Samráðsrannsóknir

Samráðsrannsóknir eru eitt áhrifamesta stjórnsýslutæki í nútíma lýðræðissamfélögum og njóta síaukinna vinsælda. Samráðsrannsóknir byggja á upplýstu samtali hlutaðeigandi aðila um tiltekið málefni, framkvæmd eða annað sem varðar almannahag. Meðal helstu aðila sem koma að samráðsrannókn eru fulltrúar almennings, hagsmunaaðila, félagssamtaka, stjórnvalda o.fl. Í samráði er tryggð fræðsla um viðkomandi málefni, upplýsingamiðlun og málefnaleg nálgun á viðfangsefnið. Markmið samráðs er að hafa áhrif á og ná sátt um málsferla og ákvarðanatökur í málaflokkum sem varða almannahag. Hver samráðsrannsókn er sniðin að því viðfangsefni sem um ræður. Til helstu tegunda samráðsrannsókna teljast t.d. íbúafundir, almenningssamráð og rökræðukannanir.