Rannsóknarstofnun í barna- og fjölskylduvernd | Félagsvísindastofnun Háskóla Íslands

Rannsóknastofnun í barna- og fjölskylduvernd (RBF) er rannsókna- og fræðslustofnun.

Málstofur

Útgáfa

Þekkingarveita

Um stofnunina

Rannsóknastofnun í barna- og fjölskylduvernd (RBF) er rannsókna- og fræðslustofnun.

Rannsóknastofnuninni er ætlað að vera víðtækur vettvangur rannsókna á sviði félagsráðgjafar, einkum öllu því er lýtur að stefnumörkun, þróun og þjónustu í barna- og fjölskylduvernd sem spannar allt lífsskeiðið frá æsku til efri ára. Markmið RBF er jafnframt að miðla vísindalegri þekkingu um félagsráðgjöf og laða fræðimenn til starfa á þessu sviði.

Stofnunin var formlega opnuð 12. maí 2006; er starfrækt í félagsráðgjafardeild Háskóla Íslands og heyrir undir Félagsvísindastofnun.

Vefsíða RBF var opnuð 7. júní 2006 með helstu grunnupplýsingum og hefur verið í stöðugri mótun. Ný og endurbætt heimasíða RBF var opnuð 9. apríl 2010.

Hlutverk

Hlutverk RBF er að auka og efla rannsóknir í félagsráðgjöf á sviði barna- og fjölskylduverndar, m.a. með því að:

eiga frumkvæði að og sinna rannsóknum á sviði félagsráðgjafar og efla tengsl félagslegrar þjónustu á vettvangi við rannsóknir.
sinna rannsóknartengdum þjónustuverkefnum á sviði félagsráðgjafar.
efla tengsl rannsókna og kennslu og samhæfa rannsóknir á sviði barna- og fjölskylduverndar.
hafa samstarf við innlendar og erlendar rannsóknastofnanir og fræðimenn í félagsráðgjöf og efla tengsl við atvinnu- og þjóðlíf.
veita nemum í rannsóknanámi aðstöðu og búnað til rannsóknastarfa og veita nemum þjálfun og reynslu í vísindalegum vinnubrögðum með því að gefa þeim kost á að vinna rannsóknastörf á vegum stofnunarinnar eftir því sem unnt er.
kynna niðurstöður rannsókna, m.a. með útgáfu ritsmíða, gangast fyrir faglegum námskeiðum, fyrirlestrum og ráðstefnum á sviði félagsráðgjafar.

Hafðu samband: