Félagsvísindastofnun Háskóla Íslands sinnir rannsóknum og ráðgjöf á fjölbreyttum sviðum félagsvísinda. Stofnunin vinnur bæði að fræðilegum rannsóknum og verkefnum sem miða að því að afla þekkingar sem nýtist við stefnumótun, ákvarðanatöku og þróun þjónustu.
Stór hluti verkefna Félagsvísindastofnunar er unninn í samstarfi við starfsfólk Háskóla Íslands. Stofnunin vinnur einnig fyrir fjölmarga aðila utan háskólans, meðal annars ráðuneyti, opinberar stofnanir, sveitarfélög, fyrirtæki, félagasamtök, hagaðila og fræðimenn. Verkefnin geta verið bæði íslensk og alþjóðleg.
Verkefni Félagsvísindastofnunar geta meðal annars falist í viðhorfskönnunum, mati á stefnu eða þjónustu, rannsóknum á reynslu og aðstæðum ólíkra hópa og stærri rannsóknarverkefnum þar sem beitt er megindlegum, eigindlegum eða blönduðum rannsóknaraðferðum.
Félagsvísindastofnun sinnir einnig kennslu og veitir ráðgjöf um rannsóknir og rannsóknaraðferðir, bæði innan Háskóla Íslands og utan hans.
Hægt er að kynna sér dæmi um verkefni og útgefnar skýrslur Félagsvísindastofnunar á vefnum.
Nánari upplýsingar má fá hjá verkefnisstjórum Félagsvísindastofnunar í síma 525 4545 eða með tölvupósti á netfangið felagsvisindastofnun@hi.is.
