Félagsvísindastofnun

Félagsvísindastofnun gerir rannsóknir og kannanir fyrir fjölmarga aðila, bæði hérlendis og erlendis. Sem dæmi má nefna ráðuneyti, Háskóla Íslands og aðrar stofnanir, fyrirtæki og félagasamtök auk ýmissa hagaðila.

Rannsóknir á sviði félagsvísinda eru til þess fallnar að auka skilning á samfélagslegum málefnum og einnig skerpa tengsl samfélagshópa s.s. stjórnenda, almennings og hagaðila. Fræðileg aðkoma að málaflokkum hefur áhrif á gildi, virðingu, áreiðanleika og traust gagnvart málefnum innan samfélagsins. Rannsóknir geta þannig verið hagnýt aðkoma að stefnumótun og ákvarðanatöku stjórnenda í samfélaginu.

Aðkoma ólíkra hópa að málum í gegnum rannsóknir er talin leiða af sér aukna sátt í ákvarðanatöku, gefa færi á auknum hraða við vinnslu mála, auka sveigjanleika innan stjórna og stjórnsýslu sem aftur skapar rými fyrir nýsköpun í málaflokkum.