Hvers vegna rannsóknagögn í opnum aðgangi?

Opin gögn sem eru aðgengileg og auðnýtanleg eru grunnur að framþróun rannsókna og þekkingu á samfélaginu. Með opnu aðgengi að vísindagögnum aukast möguleikar á að nýta betur en hingað til íslensk gögn í rannsóknum, kennslu, fjölmiðlun og opinberri stefnumótun og ákvarðanatöku. 

Helstu ávinningar af því að setja rannsóknagögn í opinn aðgang: 

• Tryggir fræðafólki og almenningi aðgang að vísindagögnum til framtíðar og án endurgjalds
• Stuðlar að ábyrgari nýtingu rannsóknagagna
• Eru grunnur að framþróun rannsókna og þekkingu á samfélaginu
• Veitir yfirsýn yfir gögn sem þegar hefur verið safnað svo ekki verði um tvíverknað að ræða með tilheyrandi aukakostnaði
• Býður upp á ýmis tækifæri til þverfræðilegs samstarfs
• Gefur kost á að nýta fyrirliggjandi gögn til undirbúnings fyrir ný rannsóknaverkefni
• Eykur sýnileika íslenskra rannsókna innan- og utanlands
• Býður upp á aukna möguleika á notkun íslenskra gagnasafna til kennslu og þjálfunar 
• Er örugg og skipuleg langtímavarðveisla gagna
• Er í samræmi við alþjóðlegar stefnur og staðla um meðhöndlun vísindagagna
• Uppfyllir síauknar kröfur vísindarita og styrkveitenda um opið aðgengi að gögnum s.s. H2020 stefnu Evrópusambandsins