Um þessar mundir standa yfir þrjár kannanir: könnun á meðal meistaranema við HÍ, könnun á meðal doktorsnema við HÍ og könnun nemenda sem útskrifuðust úr námi við HÍ árið 2024. Kannanirnar, sem unnar eru fyrir skrifstofu rektors, hafa verið lagðar fyrir frá árinu 2011 og er eitt mikilvægasta tækið sem skólinn og deildir hans hafa til að móta stefnu sína.
Hafir þú fengið boð um þátttöku hvetjum við þig til að taka þátt. Sum hver hafa fengið sendan hlekk í tölvupósti, með sms skeyti eða fengið símhringingu.
Könnun á meðal meistaranema
Í könnun meistaranema er spurt um viðhorf nemenda til gæði náms við skólann. Öllum meistaranemum við skólann er boðið að taka þátt og vonumst við eftir því að sem flestir sjáir sér fært að gera það til að efla gæði niðurstaðna. Flestir svara könnuninni á 7-12 mínútum.
Könnun á meðal doktorsnema
Í könnun doktorsnema er spurt um viðhorf nemenda til gæði náms við skólann, stuðning í námi, aðstöðu, leiðbeinendur, fjármögnun náms og fleira. Öllum doktorsnemum við skólann er boðið að taka þátt og vonumst við eftir því að sem flestir sjáir sér fært að gera það til að efla gæði niðurstaðna. Flestir svara könnuninni á 8-15 mínútum.
Könnun á meðal útskrifaðra nemenda
Í könnun útskrifaðra er spurt um reynslu af námi í háskólanum og afdrif að námi loknu. Flestir svara könnuninni á 9-12 mínútum.
Nöfn þátttakenda munu hvergi koma fram við úrvinnslu könnunarinnar og Félagsvísindastofnun gætir þess að útilokað verði að rekja svör til einstaklinga. Framlag þitt til könnunarinnar er mjög mikilvægt til að niðurstöður hennar verði sem áreiðanlegastar.
Umsjónaraðili könnunarinnar af hálfu Félagsvísindastofnunar er Helgi Guðmundsson, verkefnastjóri, heg@hi.is.