Háskóli Íslands

Ársfundur Félagsvísindastofnunar Háskóla Íslands 2020

 

Rannsóknainnviðir í félagsvísindum

Ársfundur Félagsvísindastofnunar Háskóla Íslands 2020

Ársfundur Félagsvísindastofnunar Háskóla Íslands fer fram mánudaginn 24 febrúar kl. 9.00-10.30 í fyrirlestrasal VHV 023 í Veröld – húsi Vigdísar.

Umræðuefni fundarins er uppbygging rannsóknainnviða í félagsvísindum við Háskóla Íslands. Rannsóknainnviðir mynda grundvöll framþróunar í rannsóknum og vísindum og hefur Félagsvísindastofnun unnið að uppbyggingu þeirra í samvinnu við Félagsvísindasvið.

Þátttaka í alþjóðlegum rannsóknum er forsenda þess að geta skoðað samfélagslega þróun á Íslandi í samanburði við önnur lönd. Þátttaka íslenskra fræðimanna í alþjóðarannsóknum er grundvöllur alþjóðavísindasamstarfs sem nýtist bæði fjölbreyttum hópi fræðafólks og nemenda en ekki síður stjórnvöldum við stefnumótun og ákvarðanatöku.

GAGNÍS, gagnaþjónusta félagsvísinda á Íslandi, er mikilvægt skref í uppbyggingu rannsóknainnviða en gagnaþjónustan er byggð upp í samstarfi við CESSDA, samtök evrópskra gagnavarðveislu safna. GAGNÍS er styrkt af aldarafmælissjóði Háskóla Íslands. Meginmarkmið GAGNÍS er að miðla rannsóknagögnum í opnum aðgangi og veita ráðgjöf um birtingu og notkun gagnasafna.

Húsið verður opnað kl. 8.30 með morgunhressingu en formleg dagskrá hefst kl. 9.00

Dagskrá

09.00   Ávarp mennta- og menningarmálaráðherra – Lilja Dögg Alfreðsdóttir

09.10   Ávarp aðstoðarrektors vísinda HÍ - Guðbjörg Linda Rafnsdóttir

09.20   Ársskýrsla Félagsvísindastofnunar - Guðbjörg Andrea Jónsdóttir, forstöðumaður Félagsvísindastofnun

09.30   Nýjungar hjá Innviðasjóði: Vegvísir – Magnús Þór Torfason, lektor í viðskiptafræði og formaður fagráðs Innviðasjóðs Rannís

09.40   GAGNÍS - Örnólfur Thorlacius, verkefnisstjóri Félagsvísindastofnun

09.50   European Social Survey ERIC - Viðhorf til velferðarkerfisins 2016 - Sigrún Ólafsdóttir, prófessor í félagsfræði

10.00   European Values Study – Breytingar á trúarviðhorfum Íslendinga frá 1984 til 2017 – Guðný Bergþóra Tryggvadóttir, verkefnisstjóri Félagsvísindastofnun

10.10   International Social Survey Programme (ISSP) - Félagsleg samskipti 2017 – Ásdís A. Arnalds, verkefnisstjóri Félagsvísindastofnun

10.20   Fundi slitið

 

Fundarstjóri er Stefán Hrafn Jónsson, formaður stjórnar Félagsvísindastofnunar.

Ársfundurinn er opinn öllum

Þú ert að nota: brimir.rhi.hi.is